"У калядную ноч запальваюцца ў небе зоркі, бы тысячы сярэбраных свечак. Паны пакрываюць стол накрухмаленым ільняным абрусам, кладуць пад яго, як і мае быць, сена - каб наступны год пражыць у шчасці ды дастатку. Ставяць на стол сем посных страваў. Пан Заблоцкі расчыняе вакно, стукае ў падваконне драўлянаю лыжкаю і кажа, як належыць па звычаю: －Мароз, мароз, ідзі куццю есці!" Сёння ўвечары 24 снежня Маляваныч напярэдадні Свята Божага Нараджэння па грыгарыянскім календары распавядзе пра вясёлыя “КАЛЯДЫ ПАНОЎ КУБЛІЦКАГА ДЫ ЗАБЛОЦКАГА” з кнігі казак Пятра Васючэнкі, выбітнага беларускага літаратуразнаўцы, крытыка, празаіка, драматурга, эсэіста, казачніка і аўтара фэнтэзі. Малюнкі Андруся Такінданга. Спяшайцеся рабіць цуд на Каляды ды падтрымлівайце дзеячаў культуры, ахвяруючы любую суму ў Беларускі фонд культурнай салідарнасці: https://byculture.org/donate Глядзіце і слухайце Маляваныча ўвесь снежань штовечар у 19.30 (па беларускім часе) на каналах фонда: у Facebook https://fb.me/e/DIbqQPna і Youtube: https://www.youtube.com/c/belarusianculturesolidarityfoundation #BY_CULTURE