Гурт МУТНАЕВОКА прэзентуе сінгл «Лініі». Гэта першы трэк пасля выхаду трэцяга паўнафарматнага альбома «Метро» год таму. «Лініі» - гэта вобраз пераломнага моманта ў жыцці кожнага, калі тваё ўнутранае «я» праходзіць самаідэнтыфікацыю: «я ў грамадстве» ці «я і грамадства». У выніку падобных выпрабаванняў ты знаходзіш сваю «такую ж» другую палову.  Усе мы такія розныя, але ўсе мы заадно. І нават шрамы жыццё нам пакінула адныя. У хлопцаў атрымалася аб'яднаць любоў да поп-музыкі, прымяніць ейныя прыёмы ва ўласнай творчасці, а таксама чарговы раз паэксперыментаваць з гучаннем, не прывязваючыся да канкрэтнага стылю. Кампазіцыя сінгла наўмысна пабудавана не ў агрэсіўнай форме. Яшчэ раз пераконваючы тых, хто стэрэатыпна мысліць: «рок – гвалт». Але сапраўдныя моцныя перажыванні можна данесці і сродкамі мілагучнай канструкцыі.  Сінгл «Лініі» гучыць без абмежаванняў па ўзросце і сацыяльных становішчах. Рэкамендуецца для прыватнага і калектыўнага праслухоўвання. Рэпосты, падабайкі і любыя іншыя ўзаемадзеянні законам не караюцца. Паслухаць і спампаваць: https://soundcloud.com/artsiadziba/mutnaevoka-ln2019 Лайв-прэзентацыя ў Мінску адубдзецца 16 траўня ў клубе «BRUGGE». Квіткі: https://bezkassira.by/mutnaevokavyalksolnykancert-5797/ МУТНАЕВОКА ў VK: https://vk.com/mutnaevoka МУТНАЕВОКА ў Instagram: https://instagram.com/mutnaevoka/