«Закінутая Беларусь» — гэта праект пра помнікі архітэктуры, якія чамусьці апынуліся нікому не патрэбныя. Гістарычныя сядзібы, замкі, докі часоў вайны і пахавальні… Амаль усе яны знаходзяцца на балансе розных дзяржаўных і камерцыйных устаноў. Але іх стан усё адно вельмі сумны. У гэты раз мы едзем па самых незвычайных славутасцях, якія знаходзяцца недалёка да Менска. У праграме - слаламны канал у Ждановічах, перакуленая агнявая кропка каля Заслаўя, млын у Шайках. Куды нам адправіцца ў наступны раз? Мы будзем радыя, калі вы падкажаце: можа менавіта побач з вашым домам і лецішчам ёсць незвычайны аб'ект, пра які вы хочаце расказаць? Пакідайце каментары ці пішыце нам у сацыяльныя сеткі.