Музыка: Уладзiмiр Карызна малодшы Словы: Уладзiмiр Карызна старэйшы Гуляе шумная мяцелiца Па золкiх сцежках i шляхах I сонца знiкла больш не свецiцца, Нiбы схавалася ў ярах. Вярба над рэчкаю маркоцiцца Успамiнаючы вясну, I мне ў вясну вярнуцца хочацца Хоць на хвiлiначку адну. Прыпеў: Белая, белая яблыня Снiцца мне па начах, Чыстай красою прывабнаю Ночкай стаiць у вачах. Белая, белая яблыня Зоркай стаiць у вачах, Светлаю чыстай красою прывабнаю Спаць не дае па начах. Была вясна такая мiлая, Пара шчаслiвая была. У сэрца песня салаўiная Святлом навекi ўвайшла. Ды не хапiла шчасцю нечага, Май адспяваў, адцвіў язмін. Няма на свеце шчасця вечнага, Ёсць толькі вечны ўспамін. # Валентина Ольшанская, Владимир Каризна младший, Владимир Каризна старший