Музыка: Дзмiтрый Даўгалёў Словы: Уладзімір Пецюкевіч (1) Заспявай мне песню,крывічанка, Пра вякі далёкія згадай, Хай яна лунае гордай чайкай, Абуджае сонны небакрай. (2) Разгайдай мяне на мройным чоўне, Трапяткой душою раскажы Пра каханне князя да князёўны, Пра паходы князевых дружын. Прыпеў: Я не сплю, я думаю начамі Пра цябе і наш курганны край, Заспявай мне песню, крывічанка, Пра вякі далёкія згадай! (3) Загудзе ад цокату пагоні, Перазвону дзідаў і мячоў - І чарот азёрны, і сасоннік Адгукнецца болем крывічоў. (4) Панясецца крыкам гордай чайкі, Паляціць за бор, за дальні гай: - Біце ў сэрцы - біце іх мячамі, Хто прадаў і зганьбіў родны край!.. Прыпеў: Я не сплю, я думаю начамі Пра цябе і наш курганны край, Заспявай мне песню, крывічанка, Пра вякі далёкія згадай! # Вячеслав Исаченко, Дмитрий Долгалёв, Владимир Петюкевич