Болей за 70 чалавек прымаюць удзел у кангрэсе, прысьвечаным палітзьняволеным у Беларусі. Гэта першае экспертна-палітычнае мерапрыемства пасьля падзей 2020 году, якое займаецца крызісам у галіне правоў чалавека ў Беларусі і дапамагае тым, хто прайшоў праз рэпрэсіі. У кангрэсе ўдзельнічаюць прадстаўнікі вядучых беларускіх праваабарончых арганізацый і гуманітарных ініцыятываў, эксперты ў галіне права, беларускія і замежныя палітыкі і дыпляматы, а таксама былыя палітзьняволеныя і іх сямейнікі. Госці эфіру «Свабоды» – былая палітзьняволеная Дар’я Кароль і заснавальнік фонду ByHelp Аляксей Лявончык.