У сітуацыі, калі ўлады варагуюць з еўрапейскімі дыпламатамі і прасуюць Каардынацыйную раду, толькі гэта можа скрануць сітуацыю з мёртвага пункту. На дыялог з беларускім грамадствам, а тым больш з Каардынацыйнай радай, беларускія ўлады не пойдуць. І спробы еўрапейскіх лідараў схіліць Аляксандра Лукашэнку да пачатку такога дыялогу не будуць мець выніку. Наблізіць змены ў Беларусі здольныя не сустрэчы Святланы Ціханоўскай з кіраўнікамі краін ЕС, а яе вяртанне на радзіму. Так разважае былы начальнік аналітычна-прагнознага аддзела МЗС Беларусі Павел Мацукевіч.