Гісторык Ігар Мельнікаў выдаў сваю 15-ю кнігу. Як і папярэднія, кніга “На мяжы цывілізацый” прысвечаная падзеям, якія адбываліся ў Беларусі ў “міжваенны перыяд” — паміж Першай і Другой сусветнымі войнамі. Калі наша краіна была падзеленая надвая мяжой: заходняя частка ўваходзіла ў склад Польшчы, а ўсходняя — Савецкага Саюза. Дзе шукаў дакументальныя матэрыялы для кнігі і ці атрымаецца зладзіць прэзентацыю? Ці няма адчування, што мы сёння ізноў жывём “на мяжы цывілізацый”, але не ў 2020-м, а ў 1937 годзе? Якія высновы павінны зрабіць чытачы новай кнігі гісторыка Ігара Мельнікава? Разважае гісторык, экскурсавод, кандыдат гістарычных навук Ігар Мельнікаў.