“Гэта песня пра тое, што людзі не ўмеюць размаўляць адно з адным, а калі вып’юць — гнайнічкі гэтыя вылазяць”. Музычная рубрыка “Такога вы не чулі” прадстаўляе песню “П’яны тарыф” ад “Разбітага сэрца пацана”. Музыкі кажуць, што кампазіцыя нарадзілася яшчэ паўгода таму, і смяюцца, што хацелі, каб трэк гучаў як песні Макса Каржа. Але як ні стараліся, усё адно атрымаўся РСП. Прэзентацыю адкладалі праз падзеі ў краіне, а цяпер вырашылі хоць неяк парадаваць сваіх прыхільнікаў. “Гэта песня пра тое, што людзі не ўмеюць размаўляць адно з адным, а калі вып’юць — гнайнічкі гэтыя і вылазяць”, — расказваюць Павел Гарадніцкі і Дзяніс Ціханенка.