Апошні раз урача-неўролага Руслана Бадамшына каранавірус выратаваў ад “сутак”. Але ўсё адно іх давядзецца адседзець. Руслан Бадамшын — доктар-неўролаг, які за апошнія паўгода быў затрыманы чатыры разы. Тройчы доктар адбываў суткі ў ізалятарах Жодзіна і Баранавічаў, чацвёрты раз чакаў штрафу, бо на момант затрымання хварэў на каранавірус. Але не атрымалася: суддзя прызначыў Руслану 15 сутак, аднак з адтэрміноўкай на месяц — каб вылечыць хваробу. Наколькі такі жэст суддзі стаў для доктара нечаканым, як ён пераносіў каранавірус і засцерагаўся ад інфекцыі і ўвогуле калі ўсё гэта скончыцца — Руслан Бадамшын паразважаў у праграме “Вірусны эфект”.