Праз каранавірус рэклама абвалілася па ўсіх медыяканалах. Напрыклад, тэлевізійная рэклама ў Беларусі страціла 25%. Але больш за ўсё пацярпеў івентынг: многім кампаніям наогул прыйшлося зачыніцца. Таму попыт на маркетолагаў сёння ў шэсць разоў меншы за прапанову. Рэкламадаўцам стала складана шукаць пазітыўныя кантэксты. Праз адмаўленне беларускімі ўладамі COVID-19 да восені ўпісвацца ў кантэксты было яшчэ складаней. Як рэкламшчыкі змагаюцца з выклікамі і чаго чакаюць ад 2021, Еўрарадыё распавяла кіраўніца камунікацыйнай групы FORTE Вераніка Пісарэнка.