Пра дыягностыку COVID-19 і давер грамадзян да ўладаў расказвае шведскі медык з беларускімі каранямі. У Беларусі нярэдка параўноўваюць наш падыход да барацьбы з каранавірусам са шведскім. Абедзве краіны пайшлі "асаблівым шляхам": без жорсткага каранціну і сур'ёзных абмежаванняў. Але ці сапраўды шведская і беларуская стратэгіі такія падобныя? Наколькі складаная сітуацыя з COVID-19 цяпер у Швецыі? Ці давяраюць там грамадзяне афіцыйнай статыстыцы і стратэгіі ўладаў? На гэтыя пытанні адказвае Андрэй Пыко, навуковы супрацоўнік інстытута экалагічнай медыцыны Каралінскага інстытута ў Стакгольме.