Каронавірус не пашкадаваў бізнес ва ўсім свеце. Але калі ў некаторых краінах прадпрымальнікі маглі разлічваць на дапамогу дзяржавы, то ў Беларусі бізнесмэнам давялося спраўляцца з крызісам сваімі сіламі. Уладальнік крамы нацыянальнай сімволікі SYMBAL.by Павел Белавус распавядае, як пандэмія каронавіруса паўплывала на яго праект, якія маскі карыстаюцца найбольшай папулярнасцю і чаму SYMBAL.by не дапамагае медустановам падчас другой хвалі COVID-19, як рабіў гэта вясной. * * * "Вірусны эфект" — праграма, у якой Еўрарадыё пераасэнсоўвае, як змянілася і працягвае змяняцца наша жыццё пад уздзеяннем пандэміі. Чаму рана святкаваць перамогу, разважаюць нашы госці — лекары, музыканты, рэстаратары, рабочыя, вадзіцелі, мастакі, арганізатары канцэртаў і фестываляў, уладальнікі клубаў, настаўнікі і іншыя.