Апавяданне А. Кудраўца "Цітаўкі". Цітаўка - гатунак (сорт) яблыкаў (буйныя, кісла-салодкія) Прыкладны падрабязны план твора: 1.Будка старога Агея. 2.Уважлівы дзедаў слухач Кастусь. 3. Лёс дзеда Агея. 4.Сустрэча Кастуся з сябрамі. 5. Прапанова Валіка. 6.Адносіны Кастуся да налёта на дзедаў сад. 7.Невясёлыя разважанні Кастуся па дарозе да дзеда. 8.Вячэра дзеда і хлопчыка. Мудрасць дзеда Агея. 9.Пачастункі дзеда. 10.Узрушанасць Кастуся падчас налёту Валіка і Мішкі. 11. Кастусь хвалюецца за здароўе дзеда Агея. 12.Пераасэнсаванне Кастусём чалавечых каштоўнасцей. Тэма твора. Адным з галоўных герояў яго з’яўляецца дзед Агей, чалавек з няпростым, складаным лёсам. Праз страшныя выпрабаванні прайшоў гэты герой, але не ачарсцвеў душою. Другі герой апавядання – падлетак Кастусь, які яшчэ толькі спазнае жыццё. Паміж гэтымі героямі разгортваецца сюжэт. Зрабіўшы дрэнны ўчынак (Кастусь згаварыўся з сябрамі, што ён загаворыць дзеда, пакуль яны нарвуць у яго садзе яблыкі), хлопчык адчувае сорам, брыдоту за сябе і сяброў. Потым ён плача пад ліпамі ад роспачы за свой учынак. Кастусь пераасэнсоўвае свае паводзіны, свае думкі, свае адносіны.