“Не патрапіў бы пад святлошумавыя гранаты, патрапіў бы на Акрэсціна”, – кажа герой рэпартажу. https://belsat.eu/?p=2220043 Падчас акцыяў пратэсту 2020-га года ў Беларусі нелегітымны прэзідэнт распарадзіўся ўжываць спецыяльныя сродкі, у тым ліку і святлошумавыя гранаты, для разгону незадаволеных мірных грамадзянаў. Героі гэтага рэпартажу былі параненыя, некаторыя зрабіліся інвалідамі. Праз пагрозу крымінальнага пераследу ім давялося пакінуць сваю краіну. Кожнага з іх чакаў доўгі перыяд аднаўлення і новы этап жыцця ў Польшчы. Жыццё гэтых людзей цалкам змянілася. Як яны патрапілі ў Польшчу, што з імі цяпер адбываецца і ці шкадуюць яны сёння, што выйшлі на пратэсты ў 2020 годзе?