29 красавіка у Беларускім Моладзевым Хабе выступіць Раман Абрамчук (гурт анты-кавербэнд «Гарадскі Вал») з удзелам Аляксандра Новікава (саксафон). Ахвяраванні тут: https://byhub.org/donate Раман Абрамчук – колішні ўдзельнік гурта «Джамбібум», праектаў «Песні філаматаў і філарэтаў», «Дзеці Аўраама». У 2009 г. пачаў выступаць сольна, стаў адным з лаўрэатаў конкурса «Бардаўская восень» (2011), запісаў тры акустычных альбомы з творамі на свае тэксты, вершы Наталлі Васілевіч і Уладзіміра Караткевіча. Асобным напрамкам творчасці стала выкананне песень з «Кулінарнай энцыклапедыі» Сяржука Вітушкі – своеасаблівых музычных рэцэптаў беларускіх нацыянальных страў, пакладзеных на сусветна вядомыя мелодыі. У 2013 г. заснаваў гурт «Гарадскі вал», які выдаў два паўнафарматных студыйніка – «Чалавечынка» і «Элвіс і Смерць» (на вершы Антона Рудака), а ў 2020-м запісаў два сінгла, прысвечаных беларускім медыкам («Імунаглабуліны») і музыкам-палітвязням («Фэст»). #беларускіхаб #беларусыўпольшчы #салідарнасць #беларусь #канцэрт #музыка #абрамчук #гарадсківал