ByMetal - гэта медыйны праект і рух у падтрымку беларускай цяжкой музыкі, падзеяў і зьяваў вакол яе. Сёлета ўвесну ByMetal адзначыць 15 год існаваньня. За гэты час ягоны фармат шмат разоў мяняўся і дапасоўваўся. Пасля 2020 ByMetal вымушаны быў прыпыніць абароты, каб наноў адрадзіцца пад Новы год 2023. На сустрэчы 2га лютага кіраўнікі праекту распавядуць пра дзейнасьць і планы, апасьля чаго адкрыецца дыскусія на тэму таго, у якім стане знаходзіцца плынь цяжкой музыкі, якія выклікі стаяць і як ByMetal можа дапамагаць і прыносіць найбольшую карысьць, зважаючы на абставіны сёньняшнага дня.