Лявон Вольскі запрашае ў ГосьЦі! Але да каго? На старонках Лявона Вольскага з’явілася відэа, дзе ён запрашае беларусаў стаць удзельнікамі праекта «ГосьЦі» (адчуць на сабе моц мабільнай лазні ў Мінесоце, уух) і расказвае гісторыю напісання легендарнай песні «Госці» (той самай, па якой можна вывучаць правапіс мяккага знака ў займенніках: Хтосьці ёсць, няма кагосьці. Хтосьці з кімсьці дзесьці штосьці). А таксама распавядае, як гэтая песня натхніла беларусаў Мінесоты на душэўны праект. Песня напісаная ў далёкім 2003 годзе, як сцвярджае сам маэстра — у залаты век беларускай музыкі. Стваралася яна адмыслова для дуэта Лявона і Сяргея Міхалка, а зараз гучыць у кавярнях, барах, пераходах і ў праекце «ГосьЦі», што стварылі беларусы Мінесоты. Ідэя праекта — запрашаць беларусаў у мабільную лазню, што сябры пабудавалі ўласнаруч. Размаўляць пра што заўгодна (галоўнае — па-беларуску!), парыцца, але не праз праблемы, гатаваць стравы нацыянальнай кухні. ГосьЦем можа стаць кожны, не толькі Лявон Артуравіч! Трэба запоўніць заяўку на сайце праекта gosci.us і, магчыма, менавіта вас запросяць глядзець красоты Мінесоты! Вы можаце стаць нашым госьЦем і больш даведацца пра праект: https://gosci.us/ Далучайцеся да старонак праекта ў сацыяльных сетках, каб пазнаёміцца з новымі гасцямі: https://www.facebook.com/gosci.us https://www.instagram.com/gosci.us/ https://www.youtube.com/channel/UCzbZdyGWIYHExjJ_N8S-eDA