Мы не чакалі, калі Юрый Дудзь запросіць Сержука Доўгушава на інтэрв'ю, а зрабілі гэта самі. У ГосьЦі да беларусаў Мінесоты завітаў этна-музыка, беларускі дзеяч, папулярызатар фальклору, спявак, стваральнік ініцыятывы «Спеўны сход», кіраўнік «Дома Творцаў» і Tradycyja, удзельнік гуртоў Vuraj, Slavalachia, Isna Trio, TryNici і сапраўдны чалавек-аркестр (у выключна станоўчым сэнсе! бо ўмее граць хіба што не на ўсіх інструментах). Сустрэча атрымалася супернасычанай, суперцікавай. Пагутарылі пра беларускі цуд — салідарнасць. Пра беларускую культуру ў выгнанні і пра тое, што можна рабіць проста цяпер, каб кожны чалавек насіў сваю Беларусь з сабой. Разам мы зладзілі Каляды для беларусаў: маленькіх і не вельмі (у Мінесоце, так ;), гатавалі беларускія стравы, парыліся ў лазні. Лазня — наш сакрэтны прыём. Пасля расслаблення гутаркі больш жывыя і цікавыя. Глядзіце, як Сяржук гатаваў клёцкі з душамі і скокнуў у палонку пасля лазні. Рэцэпт клёцак з душамі: 2 кг. бульбы, 4 ст. лыжкі мукі, 200 г. свініны, 200 г. ялавічыны, 100 г. вэнджанага сала, 1 цыбуліна, смятана, соль, перац, кмен, кроп, лаўровы ліст. Абабраную бульбу і цыбуліну надраць на тарцы, добра адціснуць праз марлю, дадаць крухмал які застаўся ад бульбянога соку, дадаць муку, соль, перамяшаць. Традыцыйна фарш гатуецца са свініны, але мы дадалі яшчэ ялавічыну і вэнджанага сала. Для фаршу мяса прапусціць праз мясарубку або камбайн, дадаць соль, перац, кмен, перамяшаць. З бульбяной масы сфармаваць невялікія шарыкі, кожны размяць у плоскі кружок, на сярэдзіну пакласці фарш, зноў скачаць у шарык. Чыгунок напалову заліць вадой. Пасля таго як вада закіпела, клёцкі пакласці ў чыгунок, варыць 20 хвілін. Падаваць са смятанай і кропам. Смачна есці! Месца вольных размоў «Вольная мова»: http://volnajamova.online/ Вы можаце стаць нашым госьЦем і больш даведацца пра праект: https://gosci.us/ Вы можаце падтрымаць праект: https://www.patreon.com/gosci Далучайцеся да старонак праекта ў сацыяльных сетках, каб пазнаёміцца з новымі гасцямі: https://www.facebook.com/gosci.us https://www.instagram.com/gosci.us/ https://www.youtube.com/channel/UCzbZdyGWIYHExjJ_N8S-eDA