Палута Бадунова – адзіная жанчына сярод тых, хто падпісваў Устаўныя граматы Беларускай Народнай Рэспублікі ў 1918 годзе. Восем гадоў яна была настаўніцай на Гомельшчыне. А потым трапіла ў рэвалюцыйны Петраград, у беларускі нацыянальны рух — і стала стваральніцай новай беларускай дзяржаўнасці. Яна не ведала беларускай мовы, але лічыла яе ролю вызначальнай у самастойнай беларускай краіне. І мэтанакіравана вывучыла. Яна ўсё жыццё была закаханая ў аднапартыйца і пісала сябрам, як цяжка ёй бывае ў вечнай самоце. Яна стала ахвярай НКУС, трапіўшы пад хвалю рэпрэсій 1937 года. Падставай для арышту стаді даносы: негатыўна выказваецца пра Савецкую ўладу. Тэкст чытае Наста Карнацкая. Глядзіце больш на сайце: http://haroshak.by/ Сачыце за праектам у сацсетках: https://vk.com/haroshakby https://www.facebook.com/haroshak.by/ https://www.instagram.com/haroshak.by канал Тэлеграм: t.me/haroshak