Шакаладны пірог з кабачком: —Цеста—: 200 гр кабачка 150 шакаладу (цёмнага/малочнага) 50 гр масла 2 яйкі 130 гр цукру 0,5 л солі 40 гр алею (сланечнікавы) 130 гр мукі 30 гр какавы 1 ч.л.солі (я гашу воцатам) —Глазур—: 60 гр малака 60 гр цукру 20 гр какавы 30 гр. масла Усіх вітаю сябры! Сёння будзем гатаваць проста самы шакаладны пірог, які вы калі небудзь каштавалі! Вось праўда, вы павінны яго спячы і на свае вочы, дакладней смак, гэта спраўдзіць. Ён мяккі, вільготны і такі.. шакаладны. А пра яго сакрэтны інгрыдыент не здагадаецеся - гэта… Кабачок! З яго і пачнем. Я натаркоўваю яго на мелкую тарку, вось такую. Можна прабіць у блендэры. Мне падабаецца так, на тарачцы. Не забудзьце паставіць падабайку гэтаму відэа і кабачку, а таксаса іпадпісацца. А мы гатуем далей. Прыгатуем тры міскі. У адной будзес тапіць масла з шакаладам, я гэта раблю ў мікрахвалёўцы. Можна на вядзяной лазні. На 20 секунд паставіла, дастала, перамяшала. Два-тры разы і будзе такая прыгожая шакаладная маса. У другой місцы разбіваем яйкі, дадаем цукар, соль, алей, перамешваем. У трэцяй місцы будуць сухія інгрыдыенты. Мука, какава і сода. Яе я абавязкова гашу воцатам, бо не люблю нават мінімальны смак соды. Перамешваем. Цяпер у другую міску засыпаем сухія інгрыдыенты з 3яй міскі, шакакад з першай міскі і кабачок. Усё добра перамешваем. Маса для пірага гатовая. Запякаем ў духоўцы прыкладна 30 хвілін да гатоўнасці. Пры 180 градусах. Мая форма памерамі 28*17. Прыгатуем глазур. У рондалі змяшаем малако, цукар, какаву. Потым далаем масла і добра вымешваем. У мяне было трошкі больш малака і глазур атрымалася вадкай. Гэта ніяк не пашкодзіла, наадварот, пірог стаў яшчэ больш прапітанным:) Як трошкі астыне, паліваю пірог. Тут самае складанае пачакаць, бо хочацца адразу каштаваць. Гэта проста шакаладная бомба! Чымсці нагадаў брауні, але больш вільготны і пухкі. І менш каларыйны. Кабачок зусім не адчуваецца, ён надае вільготнасці гэтаму цудоўнаму пірагу. Кабачок для гэтага пірага лепш выкарыстоўваць малады, без семечак. Калі ж семечкі маюцца, то іх трэба прыбраць лыжкай ці нажом, а таксама зразаць скуру, калі яна вельмі цвёрдая. Маладую скурку чысціць не трэба. Колер кабачка таксама значэння не мае. Вось такі цудоўны пірог. Займе ў мяне месца торта на святы, такі добры. І вы пакаштуйце! Смачнога!