Малады эпатажны гурт "Аны" з пасёлка Акцябрскі, што на Гомельшчыне, грае, паводле ўласнага вызначэння, "калгасны рок". Назва гурту -- гэта займеннік «яны», толькі на трасянцы.Дарэчы, частку песень музыканты таксама спяваюць на трасянцы. Мы шпацыравалі з "Аны" па начным Акцябрскім, бавілі час у мясцовых барах, назіралі рэпетыцыю ў прыватным доме аднаго з удзельнікаў гурту, разважалі пра музыку і пра будучыню, пра да болю любімы, хоць і крыху абрыдлы родны пасёлак і пра далёкі сталічны Мінск. A video about a group of friends from Aktyabrski village, who are striving to make their life less dull by playing music.