Відэа Ірыны Арахоўскай Апошні месяц восені распачынаецца дзвюма вельмі важнымі для каталікоў падзеямі. Першага лістапада – свята Усіх Святых. А другога – Дзень памяці памерлых. Дзень Усіх Святых з'яўляецца днём, калі каталікі ўспамінаюць памерлых: наведваюць магілы сваіх родных і блізкіх, падарожнічаць па ўсёй краіне, у знак памяці на надмагільных плітах запальваюць знічы, ускладаюць кветкі. "Наша Ніва" паглядзела, як шануюць памяць продкаў у вёсцы Баруны Ашмянскага раёна. Вёска Баруны вядомая сваім касцёлам Святога Пятра XVIII стагоддзя і цудадзейным абразом Барунскай Маці Божай, які сёння знаходзіцца ў касцёле. Паэт Пятро Бітэль, які вучыўся ў Барунскай настаўніцкай семінарыі ў 1920-х гадах, у сваёй гістарычнай аповесці «Баруны» так патлумачыў паходжанне назвы вёскі Баруны. На месцы сённяшняе вёскi, Легенда кажа, бор шумеў, Дык бор, Баруны - словы-цёзкi, Ад бору кут iмя займеў.