29 ліпеня незалежныя беларускія медыі аб’яднаюцца ў 12-гадзінным усебеларускім онлайн-марафоне салідарнасці, каб сабраць грошы для палітычных зняволеных і іх сем'яў. У марафоне ўдзельнічаюць блогеры, палітыкі, дзеячы культуры і спорта, грамадскія актывісты. Трансляцыя будзе весціся адначасова на шматлікіх незалежных YouTube-каналах. Грошы будуць размяркаваны паміж фондамі і арганізацыямі, якія дапамагаюць палітзняволеным і іх сям'ям. Кантраляваць размеркаванне сабраных грошай будзе назіральная рада, у якую ўвойдуць прадстаўнікі медыя-арганізатараў марафону.