Палітычныя партыі ў Беларусі павінны былі падаць у Мінюст дакументы на перарэгістрацыю да 4 чэрвеня. У камплекце дакументаў павінен быць спіс сябраў партыі з усімі данымі. Апазіцыйныя партыі па-рознаму падыйшлі да адпаведнага патрабавання. Некаторыя падалі дакументы аб перарэгістрацыі без пераліку сябраў партыі, іншыя – увогуле адмовіліся ўдзельнічаць у гэтым «балагане». Лідары чатырох дэмакратычных партый Беларусі сабралі журналістаў, каб патлумачыць сваю пазіцыю.