На міжнародным «Львів Медыя Форуме-2023» беларуская журналістка Аліна Рудзіна пазнайоміла аўдыторыю з сітуацыяй у беларускіх незалежных медыях, а таксама з правамі чалавека, палітычным пераследам і рэпрэсіямі ў краіне. Чэшскі даследчык Давід Стулік крануўся беларускай тэматыкі і адзначыў, што беларускае грамадства, у тым ліку сучасная апазіцыя, пакуль не дужа імкнецца разглядаць Беларусь як самастойны суб’ект. Мы паразмаўлялі з Давідам Стулікам наконт ягонага бачання будучыні нашага рэгіёну і Беларусі ў прыватнасці.