У гэтым выпуску праграмы "Трэба пагаварыць" вядоўцы Марыя Грыц і Кацярына Ваданосава абмеркавалі тэму расізму ў Беларусі з журналісткай і актывісткай Сабінай Аліевай. Паводле даследаванняў гарвардскіх навукоўцаў, Беларусь ўваходзіць у топ-3 самых расісцкіх краін свету. У беларускім грамадстве яшчэ трымаецца прадузятасць да іншаземцаў, а ў негатыўным кантэксце выкарыстоўваюцца словы "негр", "чурка" і г.д. Сабіна Аліева распавяла пра свой досвед расізму ў школе і падкрэсліла, што расізм у Беларусі - гэта спадчына, якая падтрымліваецца пэўнымі механізмамі. У выпуску даюцца парады псіхолага, як змагацца з праявамі расізму.