Напярэдадні канферэнцыі Новай Беларусі каманда НАУ звярнулася да дэмсілаў з адкрытым зваротам. Мы заклікалі падтрымаць заяву Святланы Ціханоўскай ад 24 лютага аб стварэнні пераходнага Кабінета – і прыняць удзел у рэалізацыі гэтай заявы. Ні адзін "план перамогі", ні адна стратэгія не спрацуе без магчымасці іх рэалізаваць і без наяўнасці канкрэтнай структуры, якая прыме на сябе за гэта адказнасць. Але ні адна з дзеючых структур не валодае дастатковымі рэсурсамі і магчымасцю, каб дасягнуць мэты дэмакратычных пераўтварэнняў у нашай краіне. А значыць нам неабходна аб'яднаць усе сілы, якія ў нас ёсць, і стварыць агульную, адзіную выканаўчую структуру ўлады – пераходны Кабінет. Які выклікі стаяць перад Кабінетам? 1) Атрыманне народнай падтрымкі і міжнародна-прававое прызнанне Кабінета. 2) Стварэнне паўнавартаснага легітымнага нацыянальна-вызвольнага руху. 3) Абарона суверэнітэту і незалежнасці Беларусі і дэ-акупацыя нашай краіны. 4) Татальная палітычная і эканамічная ізаляцыя рэжыму Лукашэнкі. 5) Адкрыццё крымінальных спраў супраць рэжыму Лукашэнкі ў рамках універсальнай юрысдыкцыі, прызнанне ягонага рэжыму тэрарыстычным. 6) Стварэнне кадравага рэзерву для займання ключавых пазіцый, уключаючы сілавыя ведамствы і органы мясцовага кіравання. 7) Падрыхтоўка рэформаў "першай неабходнасці". 8) Забеспячэнне кіруемасці краінай у транзітны перыяд і яе абарона ад рэакцыйных сілаў, у тым ліку ад прамога ваеннага умяшальніцтва Расіі. 9) Правядзенне новых дэмакратычных выбараў. Кабінет павінен афіцыйна прыняць на сябе абавязацельства перад беларускім народам – вызваліць і прывесці Беларусь да дэмакратычных пераменаў. І прыняць на сябе адказнасць за эфектыўнае ўпраўленне агульным рэсурсам для дасягнення мэты. Для ўзгодненай, падсправаздачнай і сістэмнай працы. Сістэму можа перамагчы толькі сістэма. Жыве Беларусь! #беларусь #конференция #латушко Систему может победить только система / Выступление Павла Латушко на Конференции Новой Беларуси