«Спачатку трэба адхіліць Лукашэнку ад улады, а ўжо потым змяняць канстытуцыю». Павел Латушка ў інтэрв'ю тэлеканалу «БелСат» • Павінен быць ўнутраны і знешні ціск на рэжым Лукашэнкі. Рэжым трэба прымусіць да самага кароткага дыялогу у гісторыі крызісаў у Еўропе – нелегітымная ўлада павінна сысці. • У Беларусі няма парламента. Усе спісы ўзгадняе асабіста Лукашэнка. Ён адзін кіруе краінай. Няма больш ніякіх уладаў. Ні судовай, ні заканадаўчай. Ёсць толькі ўлада ў руках узурпатара. • Лукашэнка – не гарант незалежнасці, ён паставіў незалежнасць пад пагрозу перамовамi з Расіяй. Лукашэнка – не гарант канстытуцыі, ён неаднаразова парушаў яе, і сам заяўляў пра гэта. Лукашэнка – не гарант правоў і свабод грамадзян, ён рэпрэсуе ўсіх беларусаў, у якіх ёсць сваё меркаванне. • Зараз не стаіць пытанне змены канстытуцыі. Зараз стаіць адно пытанне – адхіліць Лукашэнку ад улады. Канстытуцыю трэба мяняць толькі тады, калі нелегітымная ўлада будзе адхілена, і абраны новы Прэзідэнт Беларусі. • Лукашэнка стаіць перад Расеяй на каленях. Ён гандлюе Беларуссю. • Такіх рэпрэсій, якія цяпер адбываюцца ў Беларусі, Еўропа не бачыла больш за 40 гадоў. Ці гатовыя еўрапейцы прайсці гэты тэст? Тэст не толькі на салідарнасць, а тэст на рэальныя дзеянні.