Нам варта рыхтавацца да вялікага маршу супраціву». Павел Латушка – вялiкае iнтэрв’ю тэлеканалу «Белсат» https://www.youtube.com/watch?v=vqkIQCKweJ0 Пратэсты: «Вялікая павага да людзей, якія не спыняюць пратэсную актыўнасць нягледзячы на надвор'е, рэпрэсіі, пераслед, пагрозы – вялікі дзякуй гэтым людзям. Нам варта рыхтавацца да Валікага агульнага маршу супраціву па новым сцэнары, да якога ўлада не будзе гатова». 2021 год: «Я перакананы, што ў гэтым годзе мы пачнем будаваць Новую Беларусь, бо будзе некалькі новых моцных імпульсаў, якія паўплываюць на сучаснае становішча: Так званы Усебеларускі з'езд, санкцыйны ціск з боку ЗША і ЕС, эканамічны спад, адносіны с расійскай уладай. Але галоўным імпульсам з’яўляецца грамадства і грамадская незадаволенась, а яна не сціхае». КДБ Беларусi: «Падчас рэжыму Лукашенкі КДБ атрымаў бязмежную ўладу і кантроль над ўсімі дзяржаўнымі ўстановамі і сферамі. Прызначаны кіраўнікі і куратары, якія сочаць за ўсімі: ад міністраў да выканаўцаў. Мы павінны помніць аб тым, што гэта бескантрольная для грамадства структура, але ўзровень іх працы значна знізіўся. Установа, якая павінна займацца пытаннямі дзяржаўнай бяспекі, сама i падрывае дзяржаўную бяспеку як унутры, так і звонку. Грамадскі кантроль над такімі ўстановамі павінен быць, усе павінны мець адказнасць у адпаведнасці з крымінальным кодэксам, але такіх прыкладаў мы не бачым». Альтэрнатыва т.зв. УНЗ: «Інтэрнэт-платформа можа быць сапраўднай альтэрнатывай так званага Усебеларускага з'езду і падкрэсліць, што Лукашэнка займаецца менавіта захопам улады без волі грамадзян Беларусі. На гэтай платформе беларусы будуць выбіраць прадстаўнікоў з ўсіх куткоў Беларусі, а прадстаўнікі будуць адкрыта гаварыць пра тое, што хвалюе народ». Сумесны план: «НАУ прапанавала сустрэчу ўсіх палiтычных цэнтраў у снежні, але гэтае не адбылося па банальных прычынах, звязаных з кавідам. Сёння мы дарабатываем стратэгію на бліжэйшыя месяцы, далей створым сумесны пакрокавы план, бо нам трэба дзейнічаць разам, гэта істотна важна». Вяртанне на Радзiму: «2020-ы я сустракаў у Беларусі і тады не мог уявіць, што наступны год буду сустракаць у Польшчы. Але ў Польшчы я не жыву, гэта мае часовае знаходжанне . Спадзяюся, што хутка вярнуся на Радзіму».