У Беластоку адкрылася выстава татуіровак «Беларусь на целе», на якой прадстаўлены фотаздымкі татуіраваных беларусаў, якія былі зроблены пасля падзей 2020 года і пачатку расійска-ўкраінскай вайны. Аўтарка ідэі экспазіцыі лічыць, што малюнкі адлюстроўваюць гераічныя, цяжкія, але і вельмі кранальныя падзеі, лёсы людзей і іх сем’яў. Яўгенія Доўгая, якая прывезла выставу ў Беласток, распавяла, што пачаць збіраць выявы татуіровак яе падштурхнуў выпадак з адміністрацыйным арыштам Паўла Белавуса за татуіроўку бел-чырвона-белага сцяга.