У выніку масштабнай павадкі ў італьянскім рэгіёне Эмілія-Раманья загінулі 14 чалавек, больш за 23 тысячы эвакуяваны. Прадстаўніца Народнай амбасады Беларусі ў Італіі Юлія Юхно-Тарасевіч паведаміла, што беларусаў сярод загінулых няма, але сярод пацярпелых могуць быць нашы суайчыннікі. Беларуская народная амбасада ў Італіі працягвае дапамагаць беларусам і плануецца рэалізацыя штогадовай праграмы адпачынку ў Італіі дзяцей беларускіх палітвязняў і палітычных уцекачоў.