💌 данаты, мерч https://ko-fi.com/budzma
💌 стаць спонсарам https://www.youtube.com/c/TheBudzma/join
Чым частаваліся нашыя продкі на ранак пасля свята, калі заставалася шмат ежы? Безумоўна, яечняй! І гэты сняданак меў сакральны сэнс.
💢 Яйка з’яўляецца універсальным цывілізацыйным сімвалам уваскрасення і пачатку новага жыцця. Такі сімвалізм прысутнічае ў культуры розных народаў яшчэ да з'яўлення хрысціянства. Вядома, што ў этрускіх пахаваннях-курганах археолагі знаходзілі рытуальна размаляваныя яйкі — сімвалы ўваскрашэння з мёртвых. А яшчэ яйкі закапвалі ў полі. Іх выкарыстоўваюць азербайджанскія і іранскія мусульмане падчас святкавання Наўруза. Курынае яйка было ў сялянскай культуры славян і да прыняцця хрысціянства.
💢 На Вялікдзень прынята яйкі фарбаваць. Раней іх фарбавалі выключна ў чырвоны колер і рабілі гэта з дапамогай лушпінаў ад цыбулі. Лушпіны адварвалі ў вадзе, а потым у ёй жа варылі яйкі.
Існуе легенда пра Марыю Магдалену і чырвонае яйка. Яна, даведаўшыся пра ўваскрашэнне Ісуса Хрыста, прыйшла да рымскага імператара Тыберыя і працягнула яму яйка са словами «Хрыстос Уваскрос!». Імператар раззлаваўся і сказаў: «У гэта так жа цяжка паверыць, як у тое, што гэта белае яйка можа стаць чырвоным!». І ў той жа момант белае яйка пачырванела.
🍽 У хрысціянскай традыцыі перад Вялікаднем цягнецца доўгі пост, таму нашыя продкі паспявалі засумаваць па розных прысмаках. Раней Раство і Вялікдзень былі самымі вялікімі і значнымі святамі і суправаджаліся самымі пышнымі стравамі. На Вялікдзень падавалі каўбасы, сала, вяндліны, запечанае мяса, пышную салодкую здобу, кіслую капусту і салёныя агуркі, стравы з сушаных грыбоў і канешне ж вараныя чырвоныя яйкі, з якіх і пачынаецца застолле!
☝️На другі дзень свята заўсёды заставалася шмат ежы. А галоўны сімвал свята – яйка, куды ж без яго. Таму нашыя продкі гатавалі яечню ў якую ўваходзіць ажно тры віды яйка: сырое, варанае і “пярдута”, больш вядомае, як “пашот”. Існаваў тут і сакральны сэнс – тры віды яйка сімвалізавалі Троіцу – хрысціянскае вучэнне аб трох асобах адзінага па сутнасці Бога.
📌 Гатуем на 4 порцыі:
свіная грудзінка 200 г
хатняя каўбаса 150 г
ялавічына 150 г
балык 150 г
тварог 120 г
3 вараных яйкі
2 сырых яйкі
4 яйкі “пашот”
1 ст. лыжка хрэну
пучок зеляніны для ўпрыгожвання
соль і перац па смаку
📍Можна выкарыстоўваць любое мяса, што засталося пасля першага дня свята. У страву можна дадаваць бульбу, цыбулю, грыбы, фасолю і не толькі. А падаваць можна з хлебам і салёным агурком.
Музыка: Стары Ольса @StaryOlsa
#будзьмабеларусамі #беларускаякухня #гатуемзбудзьма
👉БОЛЬШ РЭЦЭПТАЎ: https://youtube.com/playlist?list=PLp0aOIn3iSMG-YPz0uMjB0KInN7ffCIbp
БУДЗЬМА РАЗАМ:
Сайт https://budzma.me
Telegram https://t.me/budzmaby
Facebook https://www.facebook.com/budzmabelarusami
Instagram https://www.instagram.com/budzma/
TikTok https://www.tiktok.com/@budzma_razam
Twitter https://twitter.com/budzma
VK http://vk.com/budzmabelarusami
Данаты https://ko-fi.com/budzma