Калачыкі з начыненнем – страва, што гатавалі ў час жніва. Абалонка з цеста і начыненне сімвалізавалі зерне ў лушпіне. Начынялі калачыкі тым, што маглі збіраць у час жніва: грыбамі, цыбуляй, морквай, капустай. Страва была папулярнай сярод сялянства, але і заможныя слаі насельніцтва не грэбавалі паласавацца калачыкамі. Іх падавалі як самастойную страву, мачалі ў смятану, елі з малаком ці прастаквашай, або ўпрыкуску да супа. Ёсць розныя формы гэтай выпечкі: гэта можа быць булачка, у сярэдзіну якой паклалі начыненне, можа быць круглы пірог. У нас калачыкі закрытыя, яны могуць вам нагадаць літоўскія кібінаі ці рускія піражкі. Начыненне аддае свой смак і водар цесту, калачык атрымліваецца настолькі сакавіты, што нават хвосцік хочацца з'есці. 📌Гатуем на 5 калачыкаў: Для цеста: мука 400 г 2 яйка дрожджы 20 г масла 20 г 1 ч. лыжка солі Для начыння: грыбы лясныя вараныя (можна ўзяць любыя) 340 г малако 160 мл 1-2 цыбуліны 2 ст. лыжкі алею перац і соль па смаку Пячы 20 хвілін пры тэмпературы 180 градусаў. Музыка: Стары Ольса @StaryOlsa #будзьмабеларусамі #беларускаякухня #гатуемзбудзьма #безмяса 👉Больш рэцэптаў: https://youtube.com/playlist?list=PLp0aOIn3iSMG-YPz0uMjB0KInN7ffCIbp ❤️Кубачак кавы ў падзяку аўтарам і каналу: https://ko-fi.com/budzma БУДЗЬМА РАЗАМ: Сайт https://budzma.org Telegram https://t.me/budzmaby Facebook https://www.facebook.com/budzmabelarusami Instagram https://www.instagram.com/budzma/ Twitter https://twitter.com/budzma VK http://vk.com/budzmabelarusami