Вечарам 24 чэрвеня пляцоўка ля музея Янкі Купалы ператварылася ў спеўнае поле. Незвычайную для Мінска імпрэзу зладзілі Дзяржаўны літаратурны музэй Янкі Купалы, фальклорны гурт GUDA і Студэнцкае этнаграфічнае таварыства. Далучыцца да спеваў мог кожны жадаючы. Мерапрыемства стала часткай святкавання Купальскай ночы. "У рамках горада зрабіць традыцыйны абрад амаль немагчыма, - кажа супрацоўніца Дзяржаўнага літаратурнага музея Янкі Купалы Марыя Барткова, - таму што ў абразде няма падзелу на ўдзельнікаў і гледачоў, у ім удзельнічаюць усе без выключэння. У горадзе ж людзі прывыклі, што ім павінны нешта паказваць, забаўляць. Гэта спажывецкі падыход, якога мы намагаліся пазбегнуць".