Паэтка і перакладчыца Ганна Комар чытае ўрывак «Пакой № 223» з «Савецкай інквізіцыі» беларускага драматурга Францішка Аляхновіча. СЛОВЫ МАЦНЕЙ: https://youtube.com/playlist?list=PLp0aOIn3iSMH6TFxrkmM22UUjZZDz6ejb 8 верасня стала вядома пра ўзрушальны ўчынак Марыі Калеснікавай, адной з найярчэйшых стваральнікаў палітычнага лета-2020. Сілавікі вырашылі дэпартаваць Калеснікаву за мяжу, але яна, атрымаўшы свой пашпарт, парвала яго, засталася ў Беларусі і была зняволена. У гэты ж дзень у Мінску ў падтрымку Марыі Калеснікавай прайшла акцыя грамадзянскай салідарнасці. Пад час яе была затрыманая Ганна Комар, паэтка і перакладчыца, выпускніца Школы маладога літаратара W/Rights Саюзе беларускіх пісьменнікаў і сакратарка Беларускага ПЭН-Цэнтра. Ёй прысудзілі дзевяць сутак, якія Ганна адбывала ў Акрэсціна і Жодзіна. Францішак Аляхновіч (9.03.1883-3.03.1944) — беларускі драматург, тэатральны дзяяч, публіцыст і празаік. Бунтоўная творчая натура і, мабыць, самы знакаміты сярод палітычных зняволеных першай траціны ХХ стагоддзя. Перш за ўсё, вядомасць яму прынеслі нататкі “У капцюрох ГПУ”, апублікаваныя пасля таго, як драматурга Аляхновіча, вязня Салавецкага лагера асаблівага прызначэння, польскія ўлады вызвалілі ў абмен на палітыка Тарашкевіча. Фактычна ўпершыню пра сталінскія лагеры стала вядомая падрабязная інфармацыя. "Нататкі" Аляхновіча перакладалі на іншыя мовы, чыталіся ў Еўропе, дзе інтэлектуалы левых поглядаў усё ніяк не маглі даць веры тым зверствам, якія чыніліся на ўсходзе іх нібыта калегамі, савецкімі камуністамі – будаўнікамі сацыялістычнай дзяржавы. Праўды пра сталінізм Францішку Аляхновічу не даравалі: падчас нямецкай акупацыі ён быў забіты ва ўласнай віленскай кватэры невядомым савецкім дыверсантам. #словымацней #БудзьмаБеларусамі «Словы мацней» — відэапраект ад кампаніі «Будзьма беларусамі!», Саюза беларускіх пісьменнікаў і Беларускага ПЭН-цэнтра. У ім сучасныя дзеячы культуры, якія пацярпелі ад пераследу і ціску за культурніцкія акцыі пасля выбараў прэзідэнта 2020 года, чытаюць творы сваіх папярэднікаў, асуджаных у сталінскія часы. БУДЗЬМА РАЗАМ: Сайт https://budzma.by Telegram https://t.me/budzmaby Facebook https://www.facebook.com/budzmabelarusami VK http://vk.com/budzmabelarusami Twitter https://twitter.com/budzma Instagram https://www.instagram.com/budzma/