Музыка Дзяніс Шматко чытае ўрывак з верша рэпрэсаванага паэта Алеся Дудара «Пасеклі Край наш» СЛОВЫ МАЦНЕЙ: https://youtube.com/playlist?list=PLp0aOIn3iSMH6TFxrkmM22UUjZZDz6ejb Дзяніс Шматко — беларускі музыка. З 2011 года асвоіў старажытную беларускую дуду, разам з аднадумцамі арганізаваў гурт сярэднявечнай беларускай музыкі «Літы талер», які плённа працуе і дагэтуль. Гурт выступае на айчынных і замежных фестывалях, увосень 2020 года падтрымліваў менчукоў канцэртам на «Плошчы Перамен». 10 жніўня 2020 года Дзяніс Шматко быў затрыманы падчас маніфестацый пасля выбараў і асуджаны на суткі. Алесь Дудар (сапр. Алесь Дайлідовіч) (1904-1937) — паэт, перакладчык, крытык. Адзін з арганізатараў «Маладняка», найбуйнейшага літаратурнага аб’яднання 1920-х гадоў. Сябра літаб’яднання «Полымя». У 1929-м за антысавецкі верш «Пасеклі край наш папалам» быў прыгавораны да 3 гадоў высылкі, якія адбываў у Смаленску. Пасля заканчэння тэрміну вярнуўся ў Мінск, уступіў у Саюз пісьменнікаў БССР, у асноўным займаўся перакладамі з Пушкіна, Шылера, Бамаршэ і інш. Арыштаваны ў 1936 годзе і па фальшывых абвінавачаннях асуджаны да вышэйшай меры пакарання. Расстраляны ў Мінску 28 кастрычніка 1937 года. #словымацней #БудзьмаБеларусамі «Словы мацней» — відэапраект ад кампаніі «Будзьма беларусамі!», Саюза беларускіх пісьменнікаў і Беларускага ПЭН-цэнтра. У ім сучасныя дзеячы культуры, якія пацярпелі ад пераследу і ціску за культурніцкія акцыі пасля выбараў прэзідэнта 2020 года, чытаюць творы сваіх папярэднікаў, асуджаных у сталінскія часы. БУДЗЬМА РАЗАМ: Сайт https://budzma.by Telegram https://t.me/budzmaby Facebook https://www.facebook.com/budzmabelarusami VK http://vk.com/budzmabelarusami Twitter https://twitter.com/budzma Instagram https://www.instagram.com/budzma/