Музыка і франтмэн гурта Pomidor/OFF чытае верш са зборніка "Лірыка двух нараджэнняў" рэпрэсаванага паэта Зямы Піваварава. СЛОВЫ МАЦНЕЙ: https://youtube.com/playlist?list=PLp0aOIn3iSMH6TFxrkmM22UUjZZDz6ejb Аляксандр Памідораў (нар. 1971) — музыка, актор, шоўмэн, адзін з першых беларускіх музыкаў, якога затрымалі за выкананне сваіх песень на дваровым канцэрце. 19 верасня на вуліцы Ангарскай, пасля паспяховага выступу, ён быў схоплены і змешчаны ў ізалятар на Акрэсціна. Паводле знакамітага артыкула 23.34 КоАП, музыка быў абвінавачаны ў парушэнні правядзення масавага мерапрыемства і пакараны 8 суткамі адміністрацыйнага арышту. Неўзабаве пасля вызвалення ягоны канцэрт у клубе «Графіці» быў адменены ў апошні момант. Народжаны непадалёк ад Клімавічаў, Залман, сын Рувіма, Півавараў (1910 —1937) юнацтва правёў у старажытным Мсціславе. Тут жа пазнаёміўся і з беларускімі паэтамі: Юлі Таўбін, Змітрок Астапенка, Аркадзь Куляшоў былі ў той час ягонымі сябрамі і паплечнікамі. У 1929-м прыехаў у Ленінград і пачаў працаваць качагарам, аднак і ў вядомым літаратурным горадзе быў заўважаны: вядомы паэт Мікалай Асееў рэкамендаваў беларускаму кіраўніцтву ўзяць здольнага Піваварава пад крыло, і неўзабаве маладзёна залічылі на літаратурны факультэт Вышэйшага педінстытута ў Мінску. Адна кніжачка вершаў, жменя рэцэнзій на спектаклі і кінастужкі. Усяго ў 27 гадоў Зяма Півавараў быў расстраляны. Жонка паэта Ліля, маладзейшая за яго на тры гады, была адпраўленая ў высылку ў Казахстан. #словымацней #БудзьмаБеларусамі «Словы мацней» — новы відэапраект ад кампаніі «Будзьма беларусамі!», Саюза беларускіх пісьменнікаў і Беларускага ПЭН-цэнтра. У ім сучасныя дзеячы культуры, якія пацярпелі ад пераследу і ціску за культурніцкія акцыі пасля выбараў прэзідэнта 2020 года, чытаюць творы сваіх папярэднікаў, асуджаных у сталінскія часы. БУДЗЬМА РАЗАМ: Сайт https://budzma.by Telegram https://t.me/budzmaby Facebook https://www.facebook.com/budzmabelarusami VK http://vk.com/budzmabelarusami Twitter https://twitter.com/budzma Instagram https://www.instagram.com/budzma/