Самы папулярны рэцэпт каўбасы, якая выклікае настальгію па вёсцы — пальцампханая. 💢Каўбаса вядомая з глыбокай старажытнасці: згадкі пра яе сустракаюцца ў крыніцах Старажытнай Грэцыі, Вавілона і Старажытнага Кітая. Нашыя продкі таксама былі вялікімі аматарамі гэтай стравы. А з часам каўбаса нават стала ежай сакральнай: яе гатавалі і захоўвалі да вялікіх святаў, каб потым упрыгожыць ёй стол, асабліва Калядны. Традыцыйна каўбасу мясную называлі пальцампханай, ці пальцоўкай, што адпавядае рэцэпту яе вырабу. У пісьмовых крыніцах каўбаса сустракаецца ўжо з часоў ВКЛ. Даследчыкі лічаць, што сярэдзіна ХVIII стагоддзя, калі краіна аднавілася пасля ваенных ліхалеццяў Паўночнай вайны, была часам росквіту спажывання каўбасы на беларускіх землях. ☝️У часы праўлення Рэччу Паспалітай Аўгустам ІІ Моцным і Аўгустам ІІІ — добры шляхецкі кухар мусіў умець гатаваць з каўбасы 12 страў, а магнацкі — 24. Гісторыкі Аляксей Шаланда і Алесь Белы ў сваім артыкуле «...Добрымі былі тыя часы, калі за паўтарак былі дзве каўбасы» заяўляюць, што пра рост спажывецкага дабрабыту ў тыя часы сведчаць прымаўкі: «За караля Саса еш, пі і папушчай паса», або «За караля Саса — лыжкай каўбаса». Каўбасу маглі дадаваць у супы, верашчаку, бігас, амлеты. 🍽 Відаў каўбасаў і іх рэцэптаў была процьма: са свініны, мяшаная са свінінай і ялавічынай, з дзічыны, крывяныя ці ліверныя каўбасы. Толькі ў «Літоўскай гаспадыні» Ганны Цюндзявіцкай больш за 10 рэцэптаў гэтай стравы на розны манер: ад звычайнай пальцоўкі да каўбасаў венскіх ці салямі. Каўбасы для захоўвання сушылі, вэндзілі або проста елі свежаваранымі, смажанымі ці печанымі. 📖 Этнограф і фалькларыст з Магілёва Павел Шэйн у сваёй працы «Матэрыялы для вывучэння побыту і мовы рускага насельніцтва Паўночна-Заходняга краю», якая пабачыла свет у 1887 годзе, пакінуў там узгадку, як продкі беларусаў гатавалі каўбасу: «Кілбасы сырыя рыхтуюцца толькі да Калядных святаў: дзве ці тры кілбасіны зберагаюцца, зрэшты, да тоўстай суботы (мясных Дзядоў). Пераважна свіныя, толькі што вымытыя кішкі крапаюцца (начыняюцца) кавалкамі свінога мяса і сала з дадаткам цыбулі, часныку і перцу. Рэдка ў кілбасы ўжываецца ялавічына. Апроч мяса, кілбасы крапаюцца пячонкай, крывёю, мукой і крупамі. Кілбасы мучныя і крупяныя смажацца асобна, тады як першыя гатуюцца ў пражаніне і ўжываюцца разам з ёю». 📌 Гатуем на 1 кілаграм каўбасы: 1 кг мяса 100 г сала 1 ст. лыжка солі Для свіной каўбасы: часнок 20 г перац чорны 8 г каляндра 4 г Для каўбасы з ялавічыны: сумесь перцаў 8 г кмен 4 г Падаваць смачней за ўсё ў любым выглядзе з хрэнам ці гарчыцай, часнаком, гароднінай і хлебам. Музыка: Стары Ольса @StaryOlsa #будзьмабеларусамі #беларускаякухня #гатуемзбудзьма ❤️Кубачак кавы ў падзяку кухару: https://ko-fi.com/budzma ЗГАТУЙЦЕ ЯШЧЭ: 🍽 Верашчака на квасе з блінцамі https://youtu.be/jnTUVBzRqfI 🍽 Жур з каўбаскамі і дрэўнавушкамі https://youtu.be/se51v1nGB7Y 🍽 Клёцкі з "душамі" https://youtu.be/P1eVw_70ncg 👉БОЛЬШ РЭЦЭПТАЎ: https://youtube.com/playlist?list=PLp0aOIn3iSMG-YPz0uMjB0KInN7ffCIbp БУДЗЬМА РАЗАМ: Сайт https://budzma.org Telegram https://t.me/budzmaby Facebook https://www.facebook.com/budzmabelarusami Instagram https://www.instagram.com/budzma/ Twitter https://twitter.com/budzma VK http://vk.com/budzmabelarusami Данаты https://ko-fi.com/budzma