Селядца ўжо елі ледзь не за паганскімі часамі. Ёсць верагоднасць, што ўжываць яго пачалі ў часы росквіту шляху «З варагаў у грэкі» — гандлёвага шляху, які злучаў Паўночную Русь з Паўднёвай, Прыбалтыку і Скандынавію з Візантыяй і праходзіў праз беларускія землі. ☝️А вось даследчык гісторыі беларускай кухні Алесь Белы сцвярджае, што «мода на селядцоў найперш апанавала палякаў, бо яны мелі выхад да мора. Але і нашыя продкі пазнаёміліся са смакам балтыйскага селядца таксама досыць рана — яшчэ ў паганскія часы. Пэўны час фактычную манаполію на прамысловы лоў і гандаль селядцамі на Балтыцы мела нямецкая Ганза, якая трымала сваю факторыю і ў нашым Полацку. Дзвіна і была тым першым шляхам, па якім селядцы праз Рыгу траплялі на Беларусь. А пазней таксама і па Нёмане, з Усходняй Прусіі». 🧐Мяркуецца, што ў ХІІІ і XIV стст., калі актыўна ішла вайна з крыжакамі, імпарт гэтага ласунку быў напружаны, але пасля перамогі пад Грунвальдам пастаўкі селядца сталі стабільнымі. Селядзец набыў шырокую папулярнасць у нашых продкаў, бо быў самай распаўсюджанай рыбай у Балтыйскім моры, селядца трыбушылі і салілі ў бочках адразу на суднах па здабычы рыбы. Селядзец быў танным, і яго маглі сабе дазволіць нават бедныя людзі. У 1697 г. за дзённы заробак некваліфікаваны рабочы гараджанін мог купіць 6–7 селядцоў, мясцовая рачная рыба каштавала значна болей. З XV ст. селядца можна было набыць ледзь не ў кожным малым мястэчку, гандлявалі гэтай рыбай у асноўным мясцовыя габрэі. Праз два стагоддзі ім спрабавалі скласці канкурэнцыю перасяленцы з Шатландыі, шкоты, але замацавацца ў сферы гандлю гэтай прадукцыяй у іх не атрымалася. 🍽Сяледзец елі як маласалёны, так і запраўлены ці марынаваны. На рубяжы другой паловы ХІХ ст. селядзец пачалі есці з бульбай. Дзелімся самым распаўсюджаным рэцэптам марынаванага селядца, які елі як у будні дзень, так і на святы, або ў час паста. 📌 Гатуем паўлітровы слоік селядца: філе маласольнага селядца ці цэлая рыба 350 г 1 кубак вады 1 цыбуліна 4 цвічкі гваздзікі 6 гарошынаў чорнага перцу 3 гарошыны духмянага перцу 1 лаўровы ліст 1 ч. лыжка цукру 1 ст. лыжка алею 1 ст. лыжка воцату Музыка: Стары Ольса @StaryOlsa #будзьмабеларусамі #беларускаякухня #гатуемзбудзьма 👉Больш рэцэптаў: https://youtube.com/playlist?list=PLp0aOIn3iSMG-YPz0uMjB0KInN7ffCIbp ❤️Кубачак кавы ў падзяку кухару і каналу: https://ko-fi.com/budzma БУДЗЬМА РАЗАМ: Сайт https://budzma.org Telegram https://t.me/budzmaby Facebook https://www.facebook.com/budzmabelarusami Instagram https://www.instagram.com/budzma/ Twitter https://twitter.com/budzma VK http://vk.com/budzmabelarusami Данаты https://ko-fi.com/budzma