Калі напрыканцы лета ў кожнага беларуса дома быў кабачок, то зараз час гарбузоў. Гатуем разам смачны і карысны сняданак для ўсёй сям’і. 🎃 Навукоўцы дасюль не прыйшлі да адзінага меркавання, калі людзі пачалі вырошчваць гарбуз і дзе ж яго сапраўдная радзіма. Большасць навукоўцаў схіляецца да таго, што гарбуз пачалі вырошчваць яшчэ 5 тысяч год таму ў Паўночнай Амерыцы. Адпаведна, у Еўропе гэтая гародніна з’явілася пасля экспедыцыі Хрыстафора Калумба ў тую ж Паўночную Амерыку. Да беларускіх земляў гарбуз дабраўся з дапамогай прадпрымальных гандляроў напрыканцы ХV — пачатку ХVІ стагоддзяў. ☝️Гарбуз выкарыстоўвалі не толькі ў ежу, з сушанай гародніны рабілі посуд і адмысловыя бачонкі для віна, вады ці для пасолу агуркоў і капусты. 🎃 Яшчэ з гарбузоў ціснулі сок, здабывалі семкі, рабілі алей — гэта ўсё лічылася эфектыўнымі лекамі. Алей жа быў вельмі дарагім і дазволіць яго маглі сабе толькі заможныя людзі, яго выкарыстоўвалі толькі для запраўкі страваў. У народзе лічылася, што той, хто ўжывае алей з гарбуза рэгулярна, то доўгі час застаецца маладым, здаровым і будзе доўга жыць. Жанчыны ўжывалі яго для пахудзення, а гарбузовую мякіну — для касметычных працэдураў. Сучасныя медыкі зазначаюць, што сапраўды стравы з гарбуза пазітыўна ўплываюць на абмен рэчываў і ўмацоўваюць імунітэт. 🎃 Гарбуз заняў сваё пачэснае месца не толькі як страва, лек ці посуд, але яшчэ і як элемент фальклору. Існуе безліч прыказак і прымавак, дзе ўзгадваецца гарбуз. У асноўным з гарбузамі параўновалі здаровых і сытых дзяцей, згодна са «Слоўнікам беларускіх народных параўнанняў»: «Адзін радзіўся Юзік, і той — як гарбузік». Або пажаданне на вяселле: «Дару гузікі, каб дзеці былі, як гарбузікі». 📌 Гатуем на 4 порцыі: вада 0,5 л гарбуз 0,5 кг 1 шклянка проса 0,5 шклянкі малака масла 40 г цукар і соль па смаку 📖 Як гатаваць пакрокава: https://budzma.me/news/kasha-z-garbuza.html Музыка: Стары Ольса @StaryOlsa #будзьмабеларусамі #беларускаякухня #гатуемзбудзьма ❤️Кубачак кавы ў падзяку кухару: https://ko-fi.com/budzma ЗГАТУЙЦЕ ЯШЧЭ: 🍽 Цярцюха - наварысты суп з бульбы https://youtu.be/N98zrYes7TE 🍽 Печаная рулька з капустай https://youtu.be/mfyI1qQK56E 🍽 Жаўрукі або буські https://youtu.be/9emjWonOamU 👉БОЛЬШ РЭЦЭПТАЎ: https://youtube.com/playlist?list=PLp0aOIn3iSMG-YPz0uMjB0KInN7ffCIbp БУДЗЬМА РАЗАМ: Сайт https://budzma.org Telegram https://t.me/budzmaby Facebook https://www.facebook.com/budzmabelarusami Instagram https://www.instagram.com/budzma/ Twitter https://twitter.com/budzma VK http://vk.com/budzmabelarusami Данаты https://ko-fi.com/budzma