💌 Аддзячыць кухару і падтрымаць новыя рэцэпты https://ko-fi.com/budzma Макаўка, ці макавец — адзін з любімых дэсертаў на стале нашых продкаў у час Раства і Вялікадня. Ласунак даволі ўніверсальны, але мы пакажам, як прыгатаваць класічную макаўку. 💢 Мак у кулінарыі пачалі ўжываць ужо ў ХІ стагоддзі на нашых землях, у асноўным для выпечкі. Нашы продкі лічылі, што насенне маку з’яўляецца сімвалам росквіту, багацця і добрага здароўя. За часамі язычніцтва зерне маку сімвалічна звязвалі з вераваннямі ў замагільнае жыццё. Лічылася, што гэта расліна дазваляе перасекчы мяжу паміж жыццём і смерцю. Далёкія продкі нават выкарыстоўвалі мак пры падрыхтоўцы страў для мёртвых, якія, як тады лічылася, маглі прыходзіць у госці да жывых. Да прыкладу, на Дзяды або Куццю мак маглі дадаваць у некаторыя стравы. 💢 У хрысціянскай традыцыі звычай начыняць макам выпечку, магчыма, звязаны з апакрыфічнай хрысціянскай легендай аб тым, што мак вырас там, куды падалі кроплі крыві ўкрыжаванага Хрыста. Да таго ж здобу з макам вельмі любілі есці манахі, нават у час паста, каб неяк разнастаіць свой рацыён, гатавалі посную макаўку. 💢 Макавы пірог любілі нават каралі. У 1681 годзе прыдворны пекар Яна III Сабескага падрыхтаваў велізарны макавец, упрыгожаны выявай жонкі караля Марысенькі, чым вельмі яго парадаваў. А да стала апошняга караля Рэчы Паспалітай Станіслава Аўгуста Панятоўскага аднойчы падалі макаўку даўжынёй у 4 метры, што вельмі пацешыла манарха. 📌 Для цеста: мука 250 г малако 90 мл масла 40 г алей 40 мл цукар 40 г сухія дрожджы 10 г 1 яйка шчопаць солі ванілін па смаку Для начыння: малако 0,5 л мак 250 г арэхі 30 г У макаўку таксама можна дадаваць мёд, разынкі і інш. 📖 Як гатаваць пакрокава: https://budzma.me/news/maka-ka-na-rastvo.html Музыка: Стары Ольса @StaryOlsa #будзьмабеларусамі #беларускаякухня #гатуемзбудзьма 👉БОЛЬШ РЭЦЭПТАЎ: https://youtube.com/playlist?list=PLp0aOIn3iSMG-YPz0uMjB0KInN7ffCIbp БУДЗЬМА РАЗАМ: Сайт https://budzma.me Telegram https://t.me/budzmaby Facebook https://www.facebook.com/budzmabelarusami Instagram https://www.instagram.com/budzma/ Twitter https://twitter.com/budzma VK http://vk.com/budzmabelarusami Данаты https://ko-fi.com/budzma