💌 Аддзячыць кухару і падтрымаць новыя рэцэпты https://ko-fi.com/budzma Мала хто ведае, але традыцыя пячы пернікі сягае ў стагоддзі нашай гісторыі. Пачытайце багатую гісторыю перніка, а потым згатуем яго разам. ⭐️ Святочная вячэра была поснай. Усе стравы гатаваліся на алеі, але можна было і на масле. Вячэра ў куццю складалася з 12 страў, столькі, колькі было апосталаў. Пераважалі рыбныя стравы, прыгатаваныя самымі рознымі спосабамі, падаваліся кашы ці бігас з грыбамі, маглі есці гарох, пілі ўзвар. Таксама ябавязкова прысутнічалі і салодкія вырабы з цеста – у першую чаргу пернік і “макаўка”, яшчэ пяклі “бабу”, печыва і булкі. ⭐️ Мучныя вырабы на мёдзе былі вядомыя ўжо старажытным славянам, яны выкарыстоўваліся ў абрадавых мэтах. Але толькі з’яўленне іншых прынадаў пераўтварыла цвёрдае мядовае цеста ў пернік. ⭐️Найбольшай славай карысталіся тыя пернікі, якія выпякаліся ў форме з майстэрскай разьбой. Папулярнымі былі нюрнбергскія і торуньскія пернікі "катажынкі" (katarzynki). Вядомыя яны былі ўжо на сталах магнатаў і заможнай шляхты з сярэдзіны 17 стагоддзя. ⭐️Падрыхтоўка цеста для пернікаў тады лічылася сапраўдным мастацтвам і адрознівалася ад сучасных рэцэптаў. У сырым адмысловым месцы цеста магло захоўвацца і месяц, а потым удалыя гаспадыні маглі наносіць на пернікі разнастайныя ўзоры, да прыкладу просты і папулярны ўзор шышкі, што адпавядае зімовым святам. ☝️З цягам часу кадка для замешвання цеста стала часткай пасагу для дзяўчыны, таму розную выпечку і той жа пернік можна лічыць нацыянальнай стравай. А яшчэ пернікі ўпадабалі мужчыны – у час застолля імі закусвалі гарэлку або падавалі несалодкія пернікі разам з духмянай старкай. 📌 Гатуем: мука 220 г масла 100 г цукар 80 г 2 ст. лыжкі мёду 2 яйкі 2 ст. лыжкі соку лімона цынамон, ванілін і цукровая пудра па смаку Пячы пры тэмпературы 160 градусаў 30 хвілін. Музыка: Стары Ольса @StaryOlsa #будзьмабеларусамі #беларускаякухня #гатуемзбудзьма 👉БОЛЬШ РЭЦЭПТАЎ: https://youtube.com/playlist?list=PLp0aOIn3iSMG-YPz0uMjB0KInN7ffCIbp БУДЗЬМА РАЗАМ: Сайт https://budzma.org Telegram https://t.me/budzmaby Facebook https://www.facebook.com/budzmabelarusami Instagram https://www.instagram.com/budzma/ Twitter https://twitter.com/budzma VK http://vk.com/budzmabelarusami Данаты https://ko-fi.com/budzma