💌 Аддзячыць кухару і падтрымаць новыя рэцэпты https://ko-fi.com/budzma Два стагоддзі таму гэтая страва была нашмат папулярней, чым зараз. Гатуецца такі сняданак вельмі проста і хутка, а выглядае і смакуе на ўзроўні рэстарацыі. 💢 Згодна даследчыкам гісторыі кулінарыі ўпершыню страва "Oeufs pochés" - "яйкі, апараныя кіпенем", як іх называюць жыхары Францыі, - была згаданая ў кулінарнай кнізе XIV стагоддзя пад назвай «Le Menagier de Paris». З тых часоў яна здабыла прыхільнікаў па ўсім свеце дзякуючы пяшчотнай і крэмавай кансістэнцыі, якая атрымліваецца ў выніку такога спосабу прыгатавання. ☝️ Беларуская кухня за ўсю сваю гісторыю вельмі шмат пераняла кулінарных звычаяў з суседніх краін. Яйкі пашот і вяршковы соус таксама не выключэнне. Напачатку ХІХ стагоддзя такая страва выклікала меней здзіўлення, чым зараз. У народзе яна мела некалькі назваў: “выпускныя яйкі”, “яйкі пярдуты” або “ашпараныя”. Такую страву гатавалі не толькі дома, але і ў тагачасных кавярнях, асабліва ў вялікіх гарадах. 🍽 Вяршковы соус стаў папулярным яшчэ ў ХVI стагоддзі. Такі соус вельмі падобны да далікатнага бешамелю з італьянскай кухні. А патрапіў на нашыя землі праз Кацярыну Медычы, што была жонкай караля Рэчы Паспалітай Генрыха дэ Валун. Праўда, кароль кіраваў дзяржавай усяго каля 4 месяцаў і потым збег у Францыю, але мясцовыя арыстакраты паспелі даведацца пра такі ласунак. Праз пару стагоддзяў соус перастаў быць нечым незвычайным, а ў кнізе “Літоўская гаспадыня” сярэдзіны ХІХ стагоддзя аўтарства Ганны Цюндзявіцкай сцвярджаецца, што такі соус абавязаная ўмець гатаваць кожная кухарка. 📌 Гатуем на 1 порцыю: 2 яйкі 2 л. вады 1 ст. лыжка воцату (вінны або сталовы) перац і соль па смаку масла 25 г 1,5 ст. лыжкі мукі вяршкі 250 мл соль па смаку 📍Варыць яйкі максімальна 3,5 хвіліны, іначай далікатная крэмавая структура знікне. Іншы варыянт падачы стравы – спячы аладкі або блінцы, выкласці яйка зверху, паліць соусам. Музыка: Стары Ольса @StaryOlsa #будзьмабеларусамі #беларускаякухня #гатуемзбудзьма 👉БОЛЬШ РЭЦЭПТАЎ: https://youtube.com/playlist?list=PLp0aOIn3iSMG-YPz0uMjB0KInN7ffCIbp БУДЗЬМА РАЗАМ: Сайт https://budzma.me Telegram https://t.me/budzmaby Facebook https://www.facebook.com/budzmabelarusami Instagram https://www.instagram.com/budzma/ Twitter https://twitter.com/budzma VK http://vk.com/budzmabelarusami Данаты https://ko-fi.com/budzma