💌 Аддзячыць кухару і падтрымаць новыя рэцэпты https://ko-fi.com/budzma У дзяцінстве кожны хоць раз каштаваў малочныя супы. Шмат каму яны даспадобы на сняданак ці вячэру. Прыгатуем жа! ❓СУП, ШО СПЫНІЎ ВАЙНУ Падаецца, што людзі гатавалі малочныя супы з часоў, як адамашнілі карову, але дакладных звестак няма. Вядома, што такія супы ўжывалі ў XV ст. і не толькі на нашых землях, але і ў Еўропе. Малочны суп спыніў аднойчы нават вайну! У XVI ст. у Еўропе палыхалі рэлігійныя войны. Не пазбегла гэтай долі і Швейцарыя, якая ўяўляла сабой у тыя часы канфедэрацыю з 13 дзяржаў-кантонаў. Варожыя адносіны паміж швейцарскімі каталікамі і пратэстантамі моцна абвастрыліся. Сустрэча двух войскаў адбылася ў 1529 годзе каля мястэчка Капель-на-Альбісе на мяжы Цюрыха і Цуга. Пакуль лідары вялі перамовы аб магчымым замірэнні, стомленыя галодныя салдаты пачалі стасавацца адзін з адным. Аказалася, што ў салдат Цюрыха было ў лішку хлеба і солі, а ў салдат Цуга — малака. Салдаты дзвюх армій паставілі вялікі кацёл у цэнтры поля, разам прыгатавалі малочны суп з хлебам і смачна паабедалі. У гэты час правадыры здолелі знайсці кампраміс, і такім чынам Першая капельская вайна скончылася без сутыкненняў. ☝️Нашыя продкі таксама елі падобны суп, называлі яго цюпою. Малочны суп мог быць з гароднінай або з мучнымі клёцкамі. У ХІХ ст. пачалі варыць у малацэ клёцкі з бульбы. ❓Ці была зацірка стравай бедных сялян? Лічыцца, што ўзнікла гэта страва яшчэ ў пачатку XV ст,, калі сяляне варылі вадкія супы з гароднінай, а каб яны былі больш сытныя — дадавалі туды і муку. ☝️Назва супу паходзіць ад дзеяслова «заціраць» або «церці» — менавіта такім спосабам гатуецца мучны дадатак да супа. Муку заціраюць з маслам і яйкам, пакуль не ўтворацца мучныя галушкі. Не абавязкова зацірка была на малацэ ці посная, яе маглі запраўляць падсмажаным салам з цыбуляй, або варыць на костках булён. Зацірку на вадзе называлі балбатухай — елі яе або самыя бедныя, або ў вельмі галодныя часы. Не дарэмна, разважаючы пра голад, раней людзі казалі, што «будуць есці пустую зацірку». Пра тое, як зацірка ратавала ад голаду беларускую вёску, распавядаў Змітрок Бядуля ў сваім творы, апублікаваным у 1912 годзе, «Пяць лыжак заціркі». 📌 Суп малочны з гароднінай: 3 шклянкі малака 1,5 шклянкі вады 2 бульбіны 1 морква масла 10 г шчопаць кмену соль па смаку 📌Зацірка: 3 шклянкі малака 1 шклянка вады мука 200 г масла 25 г 1 яйка соль па смаку Музыка: Стары Ольса @StaryOlsa #будзьмабеларусамі #беларускаякухня #гатуемзбудзьма 👉БОЛЬШ РЭЦЭПТАЎ: https://youtube.com/playlist?list=PLp0aOIn3iSMG-YPz0uMjB0KInN7ffCIbp БУДЗЬМА РАЗАМ: Сайт https://budzma.me Telegram https://t.me/budzmaby Facebook https://www.facebook.com/budzmabelarusami Instagram https://www.instagram.com/budzma/ Twitter https://twitter.com/budzma VK http://vk.com/budzmabelarusami Данаты https://ko-fi.com/budzma