💌 данаты, мерч https://ko-fi.com/budzma 💌 стаць спонсарам https://www.youtube.com/c/TheBudzma/join Калі вы думалі, што лазання выключна італьянская страва, то памыляліся. Нашы продкі з 16 ст. гатавалі аналагічны ласунак пад назвай лазанкі. Хутка, лёгка, з простых інгрыдыентаў, на кампанію. 💢 Вялікі князь літоўскі і кароль польскі Жыгімонт Стары ў 1518 г. ажаніўся з Бонай Сфорцай – прадстаўніцай уплывовага міланскага роду. Ёсць сцвярджэнні, што яна вельмі любіла традыцыйную італьянскую страву – лазанню. Княгіня задавала тады моду на італьянскую кухню сярод магнатаў і шляхты. Менавіта яна навучыла іх карыстацца відэльцам. Бона папросту загадала завозіць дзіўныя на той час для мясцовых прадукты. На сталах заможных людзей пачалі з’яўляцца вінаград, апельсіны, цытрыны, кальрабі, сельдэрэй, брокалі, шпінат і парэй. ☝️Як жа з’явіліся лазанкі? Ёсць некалькі версій: кухар сушыў лісты з цеста для лазанні, але калі пераносіў паднос, то выпадкова выпусціў яго, і лісты разбіліся аб каменную падлогу. Кухара пакаралі, але дазволілі забраць дамоў кавалкі ад лазанні. Дома ён іх адварыў, а для смаку дадаў смажанае сала з цыбуляй, так і атрымаліся першыя лазанкі. Другая версія — кухары забіралі сабе рэшткі прадуктаў, калі гатавалі сваім валадарам лазанню: абрэзкі цеста, кавалкі мяса, сыр. Дома яны не пераймаліся падсушваннем цеста, а проста адварвалі кавалкі цеста, дадавалі смажанае сала з цыбуляй ці грыбамі і частавалі сям’ю. Пазней лазанкі пачалі яшчэ і падзапякаць у печы. З цягам часу лазанкі сталі папулярнай стравай сярод усяго насельніцтва. Кавалачкі цеста дадавалі нават у бігас, каб ён быў больш сытны. Да канца 18 ст. шляхта ласавалася лазанкамі, пакуль не надыйшла мода на макароны і локшыну. 📌 Гатуем на 4 порцыі: мука 350 г 2 яйкі 0,5 шклянкі вады 2 ст. лыжкі алею вэнджаная грудзінка (або сала ці бекон) 100 г 2 сярэднія цыбуліны сушаныя грыбы (можна і любыя свежыя) 40 г смятана 100 г сыр 50 г соль і перац па смаку 📍Сушаныя грыбы замачыць у гарачай вадзе на 2 гадзіны. Запякаць страву пры тэмпературы 150 градусаў 20 хвілін. Музыка: Стары Ольса @StaryOlsa #будзьмабеларусамі #беларускаякухня #гатуемзбудзьма 👉БОЛЬШ РЭЦЭПТАЎ: https://youtube.com/playlist?list=PLp0aOIn3iSMG-YPz0uMjB0KInN7ffCIbp БУДЗЬМА РАЗАМ: Сайт https://budzma.me Telegram https://t.me/budzmaby Facebook https://www.facebook.com/budzmabelarusami Instagram https://www.instagram.com/budzma/ TikTok https://www.tiktok.com/@budzma_razam Twitter https://twitter.com/budzma VK http://vk.com/budzmabelarusami Данаты https://ko-fi.com/budzma