💌 Аддзячыць кухару і падтрымаць новыя рэцэпты https://ko-fi.com/budzma Ваш гаманец нават не адчуе выдаткаў на інгрэдыенты, бо яны вельмі танныя. 💢 Халадзец, студзень, квашаніна, дрыгва, юха, застудзіны — называюць у розных рэгіёнах Беларусі жэлейную страву з наварыстага мяснога булёна. Ласунак гэты быў вядомы чалавецтву здаўна. Наварысты мясны суп з гароднінай, застываючы, пераўтвараўся ў жэлейную масу. У касцях і мясе жывёл знаходзяцца тыя самыя жэліруючыя рэчывы, якія і ператваралі вадкасць на жэле пасля доўгай тэмпературнай апрацоўкі. Гатаваць гэтую страву пачалі паўночныя народы. Праз беларускія землі пралягаў знакаміты шлях «З варагаў у грэкі», верагодна, менавіта дзякуючы яму і кантактам нашых продкаў са скандынавамі мы ведаем пра халадзец сёння. Такую ежу спачатку бралі з сабой узімку ў паходы разам з вяленай рыбай і вэнджаным мясам паляўнічыя і ваяры. Насілі халадзец у берасцяных торбах, у любы момант, разагрэўшы яго, можна было паласавацца гарачым сытным супам. Ленаваліся грэць ці не было такой магчымасці — значыць, страву елі халоднай, разразаючы на кавалкі. ☝️ Халадзец гатавалі заўсёды пры забоі свінні, варылі яго з вушэй, капытаў і хваста. Калі нарыхтоўвалі мяса перад зімовымі святамі, то асобныя часткі трымалі ў зімным памяшканні, дзе яны маглі захоўвацца працяглы час. Акурат у студзені іх даядалі, варачы халадзец, таму страву некаторыя і называюць студзень. 🍽 Раней часта гатавалі такі ласунак да вяселляў і іншых святаў з вялікай колькасцю гасцей. Часта халадзец нарыхтоўвалі ў велічэзных тазіках, літраў гэтак на 10–15. Зімой ён добра захоўваўся і яго актыўна ўжывалі нашыя продкі з хрэнам, або кіслай капустай ці салёнымі агуркамі. Падаецца, што халадзец ядуць толькі ў Беларусі, не! Яго гатуюць і ў суседніх Польшчы і Украіне, а называюць там страву «galareta» і «холодець». Малдаване гатуюць «рэсол» з птушкі, грузіны — «мужужы», на Балканах таксама ёсць варыянт такой стравы, і нават немцы гатуюць халадзец у выглядзе каўбасы. 📌 Гатуем: вада 3 л свіныя капытцы 1 кг 1 морква 1 цыбуліна 4 гарошыны духмянага перцу 10 гарошынаў чорнага перцу лаўровы ліст соль па смаку часнок па смаку пучок пятрушкі 📍Можна дадаваць яшчэ вушы і хвосцікі. Замест свініны можна выкарыстоўваць ялавічыну ці птушку. Застываць халадзец стаўце ў халоднае месца мінімум на 6 гадзін. Падавайце з хрэнам і гарачай варанай бульбай. Музыка: Стары Ольса @StaryOlsa #будзьмабеларусамі #беларускаякухня #гатуемзбудзьма 👉БОЛЬШ РЭЦЭПТАЎ: https://youtube.com/playlist?list=PLp0aOIn3iSMG-YPz0uMjB0KInN7ffCIbp БУДЗЬМА РАЗАМ: Сайт https://budzma.me Telegram https://t.me/budzmaby Facebook https://www.facebook.com/budzmabelarusami Instagram https://www.instagram.com/budzma/ Twitter https://twitter.com/budzma VK http://vk.com/budzmabelarusami Данаты https://ko-fi.com/budzma