Бульбянікі, картаплянікі, гульбянікі, раскольнікі і маскалі. Страва некалькіх народаў. Смачны ласунак можна ўжываць у пост, а таксама страва будзе смакаваць і тым, хто не ўжывае мяса. Бульбянікі — своеасаблівы правобраз зразаў — мясных рулетаў невялічкага памеру з гароднінным начыненнем. Ёсць здагадкі, што на нашыя землі гэтая страва патрапіла з Заходняй Еўропы дзякуючы каралеве польскай і вялікай княгіні літоўскай Боне Сфорцы. Падобным спосабам рабілі галубцы, замест кавалка мяса быў ліст капусты, а ўнутры — начыненне. З цягам часу як абалонку сталі выкарыстоўваць і бульбяную кашу, начынка магла быць з мяса, гародніны, або грыбоў — так з’явіліся бульбянікі. Падобная да нашых бульбянікаў страва ёсць і ў суседзяў: украінцы гатуюць «картаплянікі», ёсць здагадкі, што менавіта праз Палессе з Украіны патрапіла гэтая страва на нашы землі. Літоўцы называюць бульбянікі «жамойцкімі блінамі», на ўсходзе Польшчы страва мае назву «дзяды», бо падавалі іх на аднайменны дзень памяці продкаў. У латышоў — «гульбешнікі»; «гульбянікамі», «раскольнікамі» ці «маскалямі» страву называюць на Беларускім Падзвінні. Мяркуецца, што агульнавядомы беларускі рэцэпт бульбянікаў прыдумалі перасяленцы з Расіі, рускія стараверы, які моцна пераследаваліся праваслаўнай царквой і вымушаныя былі шукаць прытулку на нашых землях, адсюль і назва стравы. 📌Гатуем на тры порцыі: бульба 600 г вада 2,5 л 1 ст. лыжка солі чорны перац па смаку лясныя грыбы 150 г 1 вялікая цыбуля 4 ст. лыжкі мукі 6 ст. лыжак алею зеляніна (кроп, пер'е цыбулі) Калі гатуеце бульбянікі не ў перыяд поста — раім падаваць іх са смятанай. Музыка: Стары Ольса @StaryOlsa #ГатуемзБудзьма #беларускаякухня #бульба #постное 👉Гатуем з "Будзьма!" https://youtube.com/playlist?list=PLp0aOIn3iSMG-YPz0uMjB0KInN7ffCIbp БУДЗЬМА РАЗАМ: Сайт https://budzma.by Telegram https://t.me/budzmaby Facebook https://www.facebook.com/budzmabelarusami VK http://vk.com/budzmabelarusami Instagram https://www.instagram.com/budzma/ Twitter https://twitter.com/budzma