Гісторыкі сцвярджаюць, што зразы пачалі гатаваць яшчэ ў XIV ст., у часы князя Ягайлы. Гэта была ўлюбёная страва князя, і еў ён іх, як не дзіва, на сняданак. Пазней у Вялікім Княстве Літоўскім зразы сталі падаваць да шляхецкага стала на ранак. Шляхта вельмі любіла пераймаць стравы і традыцыі князёў. Зразы пачалі падаваць на велікодны сняданак. Яны смачныя нават халодныя, нагадваюць хатнюю каўбасу, таму іх асвячалі ў храме на свята, а потым дзяліліся імі паміж сваякоў. Гатавалі зразы і падчас палявання са свежаніны з грыбамі ці капустай. Зразы вельмі любіла каралева Бона Сфорца, ёсць сведчанні, што падобную страву гатавалі і ў Італіі, адкуль каралева Бона была родам. Зразы могуць быць начыненыя чым заўгодна: фаршам, салам, грыбамі, капустай, зелянінай, бульбяной кашай ці нават сырам. Могуць быць не толькі завіўныя, але і сечаныя, падобныя да звычайнай катлеты, але з начыннем. Тыя ж галубцы - своеасаблівыя зразы, толькі замест мясной абалонкі капусны ліст. У XIX ст. нашы продкі праявілі кулінарную снароўку і пачалі рабіць зразы з бульбы, дадаючы ўнутр грыбы, цыбулю ці мяса. 📌 Гатуем тры зразы: ялавічына 450 г свіны фарш 150 г 1 вялікая цыбуліна вяршкі 250 мл 1 яйка 1 ст. лыжка смятаны шчопаць кмену 3 зорачкі гваздзікі 3 лаўровыя лісткі 1 галоўка часнаку 10 гарошынаў чорнага перцу 6 ст. лыжак алею 1 пучок пятрушкі соль і перац па смаку Музыка: Стары Ольса @StaryOlsa #будзьмабеларусамі #беларускаякухня #гатуемзбудзьма 👉Гатуем з «Будзьма»! (рэцэпты) https://youtube.com/playlist?list=PLp0aOIn3iSMG-YPz0uMjB0KInN7ffCIbp ❤️Кубачак кавы ў падзяку аўтарам і каналу: https://ko-fi.com/budzma БУДЗЬМА РАЗАМ: Сайт https://budzma.org Telegram https://t.me/budzmaby Facebook https://www.facebook.com/budzmabelarusami VK http://vk.com/budzmabelarusami Instagram https://www.instagram.com/budzma/ Twitter https://twitter.com/budzma