Страва паляўнікоў і шляхты, яе прывёз на нашыя землі кароль Стэфан Баторый ды ласаваўся ёю пасля палявання. Гісторыя бограча сягае ў стагоддзі і мае венгерскія карані. Баторый паходзіў са славутага венгерскага ваяўнічага рода, шляхта абрала яго каралём Рэчы Паспалітай ў 1575 годзе. Кароль вельмі любіў паляванне, а са здабытай дзічыны частаваўся гарачым бограчам. Мясцовая шляхта хутка перахапіла каралеўскую традыцыю скончваць удалае паляванне бограчам. Першапачаткова бограч быў падобны на суп – усё варылася разам. Бограч у сучасным выглядзе з'яўляецца адначасова і першым, і другім. Пасля з’яўлення на нашых землях бульбы, фасолі, памідораў і перцаў, бограч стаў больш разнастайным. Рэцэпт, па якім мы сёння гатуем, мае амаль стогадовую гісторыю. Гатуем на 4 порцыі: 📌 Для бограча: дзічына (у нас мяса лася, але можна замяніць на ялавічыну, свініну, курыцу)* - 400 г сальны тлушч альбо кавалачак сала фасоля (папярэдне замачыць на ноч) 1 зялёны перац 1 вялікая цыбуліна 2 памідоры лаўровы ліст - некалькі штук 1 галоўка часнаку сумясь перцаў каляндра соль зеляніна 1 ст. лыжка смятаны для падачы (па жаданню) Тушыць 1,5 гадзіны 📌Для клёцак: 2 вялікія бульбіны (нацерці як на дранікі, адціснуць сок) мука (мусіць атрымацца такая маса, каб можна было сфармаваць круглыя клёцкі) Тушыць з бограчам 15 хв. *калі вы не ўжываеце мяса, можна зрабіць веган-бограч, прыбраўшы мясныя складнікі, замест сальнага тлушча алей. 🔔Кожную суботу гатуем смачную страву з "Будзьма!": https://youtube.com/playlist?list=PLp0aOIn3iSMG-YPz0uMjB0KInN7ffCIbp Музыка: Стары Ольса @StaryOlsa #будзьмабеларусамі #ГатуемзБудзьма #беларускаякухня БУДЗЬМА РАЗАМ: Сайт https://budzma.by Telegram https://t.me/budzmaby Facebook https://www.facebook.com/budzmabelarusami VK http://vk.com/budzmabelarusami Instagram https://www.instagram.com/budzma/ Twitter https://twitter.com/budzma